نصائح الى كل المخطوبات‏

انا مقصدش بالتوبيك دة اى اهانة دة مجرد هزار
ومش عايز اى حد يزعل منى
وخصوصا البنات



آنستي العزيزة.. لو ربنا فك عقدتك..
واتخطبتي.. فإليك نصائح من جربوا قبلك حتى تأخذي بخطيبك من مركب الخطوبة
إلِّي ... محدش عارف هاترسى على إيه.. إلى مثواه الأخير

أجمل ما في
الخطوبة العزومات الرومانسية.. على أحلى محلات أكل ف البلد.. واللي عمرك
مانتي شايفاها بعد الجواز.. المهم نصائحي لك عند أي عزومة معخطيبك..

1-
الأول لازم تعرفي إن الشوكة والسكينة بيتمسكوا من إيديهم من الطرف يعني مش
من الوسط ولا من البوز زي الخنجر ولا من فوق طبعًا

2- العيش أوعي
تفضحينا وتقطعيه بسنانك.. ولا الرغيف نصين بأيدك وكل نص لقمة .......العيش
بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني
نفسك مسدودة.. اضغطي على أعصابك جدااا وبعدين لما تروَّحي.. إبقي كلي زي
ماانتِ عايزه....

3- الشوووربة.. أبوس رجلك.. بند الشوربة ده مهم
جدًا.. الشوربة تتشرب من غير صوت خالص.. ومن غير ماتقعدي تنفخي فيها.. زي
القهوجي اللي بينفخ فالحجر للزبون.. وطبعًا عايزاكى تنسى تمامًا..
السلطانية اللي ف البيت.. وتدلقي على روحك..
بالمعلقه وبدون صوت.. سخنة
ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها
لآخر نقطة.....


4- الرز طبعاً .. بيتاكل بالشوكة.. أوعي إيدك
تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك
بتبوسيه مش بتاكليه..

5- المكرونة.. الاسباكتي.. برضه بالشوكة..
تتلف على طرف الشوكة.. لحد ماتخلص وبعدين تحطيها ف بؤك من سكات.. مش تشفطي
المكرونة عود عود..

6- السمك.. مشكلة.. شوفي.. بتفصلي اللحم عن
الشوك.. إزاي..؟؟ تقطعي اللحم من النص.. بالطول وبعدين تفردي اللحم ع
الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم
الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7-
الجمبري.. -إذا كنتي عارفاه-.. أول ماطبق الجمبري ينزل.. بصيله بقرف
واحتقار شديدين.. آل يعني زهقانة من كتر أكل الجمبري الجامبو ف بيت بابا..
وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة..
أنا ف عرضك إنسي المصمصة دلوقت..

8- البطاطس سواء مسلوقة أو محمرة..
أوعي تهرسيها وتدبيها ع الرز وتدي .لا..لآ...لآ...بالشوكة حتة حتة وإنت زي
ما تكوني هاتعيطي من كتر ما البطاطس صعبانة عليكي..

9- الفاكهة..
لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..
وبعدين ف طفاية السجاير اللي ع الترابيزه.. أوعي ياحبيبتي مننظام التفتفة
للبذر.. إنسي....

10- ولما تخلصي أكل تحطي إيدك على بطنك.. -اللي
عصافيرها بتصوصو من العينات اللي كلتيها-.. وتقولي له مش ممكن.. أنا عمري
ما اتفجعت كدة.. أنا أودامي أسبوع.. هابطل أكل فيه.....

وبعدين
تمسكي الفوطة اللي دايمًا موجودة ع التربيزة من غير لازمة.. وتبوسيها.. آل
يعني بتمسحي بؤك..
وبعدين تستأذني منه لدخول التوليت لإصلاح ماكياجك..
وتخشي التواليت
و بالهنا و الشفا



منقول

شكرا لكم

اضغطي على أعصابك جدااا وبعدين لما تروَّحي.. إبقي كلي زي
ماانتِ
عايزه
هتروح على المطبخ تنام فية


تسلم على النقل المميز ايمو اصلى الاصلى هههههههههههههه

هههههههههههههههههههههههههه

اهه شويه نصائح عشان ميكسفوناش ههههههههههههههه


تسلم لمرورك